بدر الدجى جسام يا ضنوة المسمومْ إنته اِبكفالة هودجي يا شاب ملزومْ لا تصدْ عنِّي يا ضيا عيني يضرغام يسرور قلب المجتبى يا بني يجسّام حصّن الهودج يا عزيزي اُوقود لزمام لتشوف شخصي النّاس يا مدلّل يقيدومْ إنتخى الشاب اُوصارمه اِمن الغمد سلّه اُوشال العمامة والشَّعر على المتن فلّه اُوقلها ييمّه لا تخافين المذلّه عندك […]

وين الفاجده الشبان .. وين الضايگه اللوعه هاي ام جاسم العريس .. بالعريس مفجوعه وين الفاجـــــده الشبــان .. خــل وياي تتعنه لأم جاسم نريد نروح .. نساعــدها على الونه ونرد الحوفة العريس .. ونجيم بحوفته حنه ونلگه ام الشباب اتجـول على بنها العگـل مذهـول وتتنعه على الولد وتكول يشمامة المن سباح .. هرش الچبد مگطوعه […]

ام الولد يرجف بدنها والنوم ما مر ابجفنها حسّبت لن تامر وتنها وتفرح الحره ابعرس ابنها ليالي الدهر وليه ولنها بسهام فگده صوّبنها بس هالشباب وراح منها تون ويفسر الصخر ونها اويلاه عگب الولد لنها ويّه الغرب غرّب ضعنها يبني إلكبر سنّي ذخرتك ولمنازعي بالموت ردتك وانته التغسّلني حسبتك يجاسم عسى لاچان شفتك مخضّبه بدمّك […]

آنه الوالده وانته ظناها والوالده تطلب رباها ليش انگطع منك رجاها يبني انطفه عيني ضواها يومك يالوحيّد عماها وضلوعي الگصّر حناها مهي خيمتك عمّك بناها عروسك اسكينه الما وراها بت سيد الأرض اوسماها يشجي الگلب يبني نداها دگعد يجاسم تلگّاها عرّيس وتوسد ثراها يبني امهنّه بطيب نومك عريان ومسلّبه اهدومك حرّ الشمس غيّر ارسومك لون تنشره ابروحي لسومك وين الذي ياخذ اعلومك لبوك الحسن وهلك اوگومك اويلاه يالغسلك ادمومك اويلاه يبني يوم يومك شلفايده ويّاك يبني آنه الوالده هيّن تذبني مهو ارباك يمدلل اتعبني ردتك عليّه البيت تبني سِلّ اوسگم يومك انشبني يبني العتب ويّاك شيفيد يا نور عيني افراگك ابعيد يا مهجتي يالفرد ويحيد يبني امن ابنها الوالده اتريد مروفه لمن تسكن التلحيد جسمي نحيل اوشوفي ازهيد هذه البهضني اوجرح المچيد تجي دفعة الشبّان بالعيد أُمك يجاسم تگدر اتهيد سطرني زماني او سطرته امنيد

يبني ياجاسم ماني امك ومن الخطر فريت يمك لبالي اصاويب البجسمك هينه اويثوّر بيك عزمك لگيت العدو اتخذم امخذمك اوظليت متحيره ابلمك

جاسم بزغ من برج المخيم اوشع بالكون مثل البدر لوتم اگبل لعد عمه او دمعته اتهل يريده ايرخصّه او عالگوم يحمل من شاف العزيز احسين مجبل تحسر وبوجه جاسم تيسم يگله يا ضوه اعيوني يجسام يعمي ليش طالع من الاخيام اخافن تنچتل يامبدر التام وانته اوديعة المچتول بالسم يگله او دمعته چالسيل تجري يعيمي ضاگ […]

في محاربة القاسم وشهادته طلع جاسم يصيح: الله واكبر درخصني يعمي مگدر اصبر بس شافه شبگ فوگه او تباچوا اختنگوا بالبواچي او ما تحاچوا لمن غابت الروح او تتاچوا على التربان ويلي والوكت حر ومن ردّت الروح ابعمه او بيه طلب جسام رخصه او ما يخليه وگع ويلي يحب ايده او رجليه درخصني يعمي مگدر […]

زفاف القاسم بن الحسن يالّذي اعْله المشرعه ظلّت رميّه جثته هذا جاسم زافّينه انهض وعاين زفّته چان يا كبش الكتيبه بيك للنّهضه جلَد فزّع اخوانك وثوروا ابْعَجَل زفّوا هالولد وصّل ازْفَافه وانا مفرود ما عندي أحد بس حريم اتجر ونّه والگلوب مفتّته گوم بسّك يا گمر عدنان من نوم التراب وگّض اشبال الهواشم والبسوا جديد […]

حال القاسم بن حبيب لما رأى رأس أبيه يا بوي دون حسين ضيّعت المداليل وخلّيتني يابوي دمعي بخدّي يسيل دون ابن حيدر طلّگت يا بوي دنياك وتعفرّت بالغاضريّه دون مولاك گصّر الحظّ ولا نصرت حسين ويّاك ياليت صدري گبل صدرك داسته الخيل نلت المعالي يوم خضّبت الكريمه بدماك دون امدلّل الزّهرا وحريمه فزتوا بعز المرجله […]

القاسم بن الحسن يطلب رخصة القتال جاسم طلع وحسين يهتف ما من انصار واحنى عليه وضمّه الصدره بتزْفار يگلّه العلامه انتَ امن اخيّي ياضيا العين ارجع بحگي عليك يبني للصّواوين سلوَه لبن عمّك وسلوه للنّساوين رَد منكسرگلبه وعليه اجتمعت افكار تذكّر العوذه ورجع يگراها العمّه وحسين اخَذ بيده وحالاً دار عزمه ونادى يَزينب ساعديني ابهالمهمّه […]