الشاعر : ابن نصار
الوزن : النصاري

صورة الشاعر
اسم الشاعر : ابن نصار
في حال العلويات ونساء بني هاشم بعد مقتل جميع الأصحاب والهاشميين صلوات الله عليهم، وخلو الخيام من الأنصار إلا الحسين وولده الرضيع صلوات الله عليهم
وهي ضمن ملحمة النصاريات

بكاء النساء على صرعى بني هاشم (النصاريات 7-13)


في بكاء النساء على شباب بني هاشم

على الشبان يا گلبي تفطّر
تهاووا مثل مهوى النجم من خر

فرّن واحده تندب ولدها
او وحده تندب اخوتها او سعدها
او وحده للولي تخْمش ابخدها
او وحده اتصيح يا عمي المشكر

يا شبّان ينجوم المخيم
يبدور اشرگت ويلي اببحر دم
بالله يا هوه الغربي تنسّم
بلچي اتفوخ عنهم جمرة الحر

تذعذع يا اعذيبي على الشبان
بالرسريس لا تنگل التربان
تراهي اتبب من النشاب والزان
لا تعصف تهزّ الزان وتضر

غديتوا طبگ يا شبان واحسين
ظل او حيد بس ايدير بالعين
لمّن شاف روحه ماله امعين
او شاف الخيل على الصيوان تفتر

لگف صلب العرِج ملْس الحديده
روّطها او دعاها اعجود بيده
خاض الموت چن الموت عيده
عَبوس او مِن يشوف الحرُب يستر


 

اترك تعليق

avatar
  Subscribe  
نبّهني عن