صورة الشاعر
اسم الشاعر : ابن نصار

في خروج الحسين إلى العراق (النصاريات 2-13)


المسير من الحجاز إلى العراق

جد السير أبو اليمه الغضنفر
يريد اوصال بيت الله الأكبر

نزلوا برض مكه مستجيرين
وبيها خايفين ومستِحِيرين
إجتّ الكتب تترادف على احسين
من الكوفة إلك لَكّين عسكر

بعث ليهم يواجههم ابمسلم
كتب له بايعوني الگوم إقدم
طلع مهموم والحجاج تِحْرم
وما يدري إبن عمه تگنطر

ابدربه درى ابمسلم چاتلينه
ومن گصر الإماره ذابينه
ومن رجله يويلي ساحبينه
لمّن سمع بمصابه تحيّر

وحين الگارب الكوفة الگشره
تلگاه الرياحي ابگاع گفره
ومن بعْد التلاگي وگف مُهره
عَرَفها كربلا ابنِشْدة العسكر

نزلها ونزلة العدوان آلاف
يحسبونه يطاوع أمرِ الاجلاف
وخوته وصحبته الطيبين الاسلاف
اسباع او بالحرب بكره اتبختر


 

اترك تعليق

avatar
  Subscribe  
نبّهني عن