صورة الشاعر
اسم الشاعر : ملا عطيه الجمري

بجدل الكلبي والجمال لعنهما الله


قطع بجدل والجمّال لعنهما الله خنصر وكفيّ الحسين

فِعل بَجْدَل يا خلگ ما صار مثله ولا جرى
هيّج احزاني عليّه او يفت گلبي امن اذكره

ما كفاه اتگطّع اوصاله ولا حز الوريد
ولا ترضّض جثّته ابْخيل العدا فوگ الصّعيد
وعاين الخاتم يلوح ابْخنصر حسين الشّهيد
جامد اعْليه الدّما واحنى يحزّه ابْخَنجره

وعلى التكّه ويح گلبي گطع جمّاله الچفوف
عاينه اموزّع على التربان من ضرب السيوف
وعاين التكّه ولزمها ولا دخل گلبه الخوف
ما درى حسين آية الله لو هو جثّه مطبّره

مد ابو سكنه يمينه وگطعها ومد الشمال
ورَدْ بَراها ولَكوان اتزلزلت والعرش مال
ونزل خير الرّسل طه والوصي فحل الرّجال
والحسن والزّاكيه امّه والشعور امنشّره

گعد والرّاس ابيمينه ايصيح يا جدّي الرّسول
لَشكي أحوالي لَبويه المرتضى وامّي البتول
رضّوا العدوان صدري اعْله الثّرى ابْدوس الخيول
وشالوا ابْروس اخوتي وراسي وخواتي امشهّره

ضمّه الهادي ابْصدره والبتول امّه تصيح
مهجتي اشْذَنبك يخلّونك رميّه بلا ضريح
بويه رخّصني أخضّب شعري من دم هالذّبيح
گال بويه اخْذي اُوناخذ والدموع امنثّره

من دماه اتخضّبت واتصيح يَبْني يا غيور
يتّمت سكْنه وزينب ضيّعتها ابهالبرور
مخدّره زينب ولا هي امعوّده تركب الكور
اشلون يبني زينب اتخلّيك عاري اعْلَه الثّرى

گلها مرّت بي وشافت جسمي من دمّه غسيل
وخرّت امْن الجمَل لوْداعي وصاحوا بالرّحيل
غصب عن جسمي خذوها ودمعها ابخَدْها يسيل
سافرت لكن يَزَهرا باليتامى امحيره


 

اترك تعليق

avatar
  Subscribe  
نبّهني عن