الوزن : الهجري
الموضوع : الرضيع

صورة الشاعر
اسم الشاعر : ملا عطيه الجمري

مصرع الطفل الرضيع


مصرع عبد الله الرضيع

شال طفله حسين بيده ايخاطب اجموع العدا
هذا طفلي يموت ظامي وذنِب منّه ما سدا

ويح گلبي من رفع طفله امگمّط واعتنى
ايصيح چان الذّنب منّي هذا طفلي ما جنى
عجّلوا له ابگطرة اميّه ترى عمره دنى
امْن الظّما يابس لسانه والچبد متْمرّده

صاح بن سعد الرّجس يا حرمله رد الجواب
لا يكون الطّفل يرجع بالسّلامه للاطناب
شوف نحره يلوح مثل البدر ما بين السّحاب
والرّجس ما لان گلبه وطوّگه ابْسَهم الرّدا

فرفرت روحه وفك ابوجه ابوه اعوينته
وذاب گلب حسين من شافه املولح رگبته
وانحنى ايشمّه ابْنحره وغسل دمّه ابْدَمعته
ورجع ودموعه يهلْها وإجت سكنه اتْنَاشده

تصيح بويه اسگيت اخيّي وجيتني ابفاضل الماي
بالعجل برّد غليلي مْن الظّما ذايب حشاي
خان بي دهري اشْبيدي اعْلَه الذي ايروّي ظماي
جذَب حسره وحط اخوها بين ايديها ومدّده

گالت اشْصاير بخيّي اتمدّده فوگ الثّرى
گال انا لا تنشديني وشوفي ابحاله اشْجرى
صدّت ولنّه امفارگ ولَوداج امهبّره
صرخت ونادت يخويه اشهالذّنب منّك سدى

ازغيّر ونحّلت جسمي ونّتك والگلب ذاب
وَسفَه يَمدلّل يظل معفور خدّك بالتراب
للرّضيع ابعَجَل گومي وافرشي له يا رباب
ذايب امن الشّمس خدّه وساد جيبي انْوسّده

طلعت امّه من المصيبه تصرخ ابْحالٍ فظيع
طفل ومخضّب ابدمّك آه يعبدالله الرّضيع
ردتك التالي زماني لا أظل حرمه واضيع
چان ليّه اتصير سلوه ليت روحي لك فدا


 

اترك تعليق

avatar
  Subscribe  
نبّهني عن