محاورته مع الحسين عند إحتضاره
گوم يحسين ابعجل للحسن عاين حالته
لونه متغيّر ترى وصارت خفيّه ونّته
هلّت ادموعه الشّفيّه وگام لعضيده ابْعَجَل
گعد يمّه وعاين امْن المرض جسمه منتحل
صاح يا مهجة الزّهرا ظنّتي موتك وصل
سمع صوته وفتّح عيونه وطوّح ونّته
فتح عينه وصاح يا باگي البگيّه يا شهيد
گعدتك يمّي يبو السّجّاد خبّرني اشْتريد
يا عضيدي وداعة الله الموت عنّي مو بعيد
لا تصد عنّي ترى لفراگ حضرت ساعته
وانا چم مرّه شربت السّم لكن ما جرى
مثل هالسّم الذي بحشاي يَبْن امّي سرى
نحل جسمي والمرض يحسين لوني غيّره
بين ما هو ايخاطبه ولنّه امبطّل ونّته
والسّبط من عاين اعضيده او عينه مغمّضه
جذب حسره وصفج بيده وحرّكه لنّه گضى
وصاح گوموا مات اخوكم يا ولاد المرتضى
وظل اينوح اعْله عضيده ولطم راسه لبراحته
فارگت روح الحسن وحسين گام يغسّله
ناسٍ اتجيب النّعش والچفن ناس اتفصّله
وعند شيله ناسٍ اتشيله وناس اتظلّله
اشبال هاشم حايطينه ولحّدوه ابْحفرته
لكن انشدكم عن حسين الشّهيد ابْكربلا
من حفَر گبره يَشيعه او يا هُواللي غسّله
ويا هو اللي شال جسمه ابوسط لحده نزّله
ظل بالرّمضا ولا له من يشيل اجنازته
ما حصل غير الحراير يوم مرّوا اعْلَه الهزل
صاح بيها لسان حاله شيّعوني وما حصل
هوت زينب فوگ جسمه من على ظهر الجمل
تمسح الدّم عن اجروحه وهوَت تلثم رگبته
زينب تنعى للزهراء ولدها
طلعت ابْدَهشه الحزينه زينب تعج بالعويل
وگفت ابروضة الزّهرا والدّمع منها يسيل
اعْلى الگبر خرّت اومثل النّيب يا ويلي تحن
اتگول گعدي يا بتوله وشوفي افعال الزّمن
گومي الله ايعظّم اجرچ گطّعوا چبد الحسَن
نغّصوا اعْليه المعيشه ومات يا زهرا نحيل
لو تشوفينه ابْعينچ يوم اخوته مدّدوه
حين بطّل ونّته وغرّبت عينه وغمّضوه
فارگت روحه الجسَد واعْليه خر حسين اخوه
يصيح يا كهف اليتامى شلون تتركني وتشيل
ماجت الرّوضه وصاح امن الضّريح لسان حال
اتصيح يا زينب فجعتيني ومنّي الدّمع سال
تخبريني والخبر عندي أخوچ الحسَن شال
واوحش الدّنيا عزيزي وضيّع أبناء السّبيل
مهجتي ذابت يَزينب يوم ذابت مهجته
وانا يمّه يوم طر عينه يودّع لخوته
گولي لحسين الشّهيد ايمر عَلَيْ بجْنازته
ايهيّد ابْنَعشه حذاي انچان يبرد لي غليل
وظلّت تصب الدّمع من شافته اعْلَه المغتسل
والشّهيد ايگلّبه ومدامعه ابخدّه تهل
صاحت افراگك شعبني والجسد منّي انتحل
گلّبه ابْهيده يَبو اسكينه ترى جسمه نحيل
آه يبو امحمد مصابك شعَل وسط الگلب نار
گلْت الك جعده اللعينه لا تطب الها ابدار
گطّعت يا نور عيني گلبك ابْسمها امرار
وانگضى عمرك على افراشك يَبعد اهلي عليل
اترك تعليق