الوزن : الفائزي
الموضوع : السجاد

صورة الشاعر
اسم الشاعر : ملا عطيه الجمري

السجاد وأبو حمزة الثمالي


السجاد مع أبي حمزة الثمالي

گلبي يَبو حمزه تراهُو اتفتّت اُوذاب
مثل المصيبه اللّي دهتني محّد انصاب

ذيچ لَقمار اللّي ابمنازلنا يزهرون
والليل كلّه امْن لعباده ما يفترون
سبعه وعشره فارگتهم كلهم اغصون
ابفرد ساعه وسّدوهم حر لتراب

لو شفت جسم اللّي على المسناة مطروح
وذاك الشّباب اللّي صباح العرس مذبوح
لو شفت لَكبر ما لمتني ابكثرة النّوح
ما خلّت النا كربلا شيخٍ ولا شاب

ابعيني نظرت حسين بيده الطّفل منحور
وامّه الرّباب اتعاينه وادمومه اتفور
وگلوبنا فتها ابونينه وعينه اتدور
وكلما طلع منّا بدر بالمعركه غاب

ومصيبة اللّي هيّجت حزني عليّه
عاينت صدر حسين تحت الأعوجيّه
وحرگوا خيمنا وركّبوا زينب مطيّه
شَحْچي يَبو حمزه وشعدّد من هلمصاب

گلّه يَشبل المصطفى ورب السّياده
صار الچتل ليكم يهَل هالبيت عاده
وانتوا كرامتكم من الله الشّهاده
امعوّد على كثر المصايب يَبن لَنجاب

گلّه يَبو حمزه حشاي ابنار ملهوب
لا زاد يهنا لي ولا اتهنّى ابمشروب
تشهير عمّاتي يَبو حمزه بلدْروب
نحّل ترى عظامي ولذيذ العيش ماطاب

ما نكّست راسي لَجِل ذبح الصّناديد
ما گصّروا بالغاضريّه زلزلوا البيد
نكّس الرّاسي ادخول زينب مجلس ايزيد
حسره ومن نوح اليتامى راسها شاب


 

اترك تعليق

avatar
  Subscribe  
نبّهني عن