الوزن : الفائزي
الموضوع : الكوفة

صورة الشاعر
اسم الشاعر : ملا عطيه الجمري

بين الشمر وزوجته


بين الشمر وزوجته

يا شمر هذا ابن النّبي نور المدينه
وابوه حيدر وامّه الزّهرا الحزينه

ما راقبتهم يا عديم البخت والرّاي
گطّعت مهجتهم ولا ارويته من الماي
والله بعد ما تجتمع يا رجس ويّاي
خلّيت بنت المصطفى الزّهرا حزينه

چيف اجْسرت يَبْن الخنا گطّعت نحره
وحزّيت راسه وزينب الحورا تنظره
ابْنَعْلك يغادي البَخَت تسحَگ فوگ صدره
وضاعت حريمه ويتّمت بنته سكينه

وخلّيت زينب تدخل الكوفه ابهالحال
واهْيَ الوديعه من علي خوّاض لَهوال
من يظن زينب تركب الناگه بلا ارجال
وشهالفعل يا شمر هاللي فاعلينه

يَبن الخنا ضيّعت بعده امخدّراته
يا حالة الگشره على حريمه وخواته
شتعاين بكوفان من ذلّه وشماته
وشحال زينب من عگب حامي الظّعينه

گلها الرّجس بطْلي البواچي واتركي اللوم
باچر تروح الشّام زينب وام كلثوم
وهالرّاس هذا انوصّله ليزيد ملزوم
نسوانهم لابد المجلس يدخلونه

ولابد نطب الشّام بالسجّاد مأسور
وابكل بلده ابهالحراير حاسره اندور
وانوگف ابهالرّاس فوگ الرّمح مشهور
محمول واهل الشّام كلهم ينظرونه


 

اترك تعليق

avatar
  Subscribe  
نبّهني عن