دعوة فضه ونزول المائدة في الكوفة
وصلوا الكوفه ونزّلوا ظعن النّساوين
ومن التّعب والجوع ضجّوا اطفال لحسين
گوّض صبر فضّه ولفت والگلب مشبوب
تطلب الرّخصه من علي والدّمع مصبوب
الضجّة يتاماكم تگلّه گلبي ايذوب
وانتوا الصّبر من شانكم يَبْن الميامين
اسمح لي وتدْري دعوتي بيكم مجابه
اطلب من الله مايده يبن النّجابه
أنعم وردّت والدّمع هل انسچّابه
وبين المحامل وگفت اتصلّي ركعتين
توسّلت لله وخلّت البضعه وسيله
ونظرت اطفال حسين والمدمع تسيله
صاحت يمولاي الظّعن تسمع عويله
غربه ويتامى وجوع تدعي الگلب شطرين
نزلت عليها المايده امن الله كرامه
وردّت ابهمّه والدّمع جف انسجامه
تلم الحرم يم ابو امحمد واليتامه
گلها يَفضّه ام المصايب والمحن وين
فرّت وما بين المحامل ردّت اتدور
اتدوّر عزيزة فاطمه مخدومة الحور
تنعي لگتها وتنتحب والدّمع منثور
اتنادي بلا وليان ضيّعنا الولي حسين
گامت اويَاها تجر ونّه ودمعها يسيل
وگعدت مع الأيتام والنّسوه ولعليل
صدت ولن راس الولي بالذّابل ايميل
شهگت وصاحت يا مصاب اليعْمي العين
أشرب لذيذ الماي وآكل طيّب الزاد
واگبال عيني راس أخيّي ابراس ميّاد
وهيهات عيني بعد ما تغْمض على اوساد
وحسين جسمه يندفن من غير تچفين
اترك تعليق