صورة الشاعر
اسم الشاعر : ملا عطيه الجمري

أحمد بن الإمام الحسن


رثاء السيد أحمد بن الإمام الحسن المجتبى

شبلين من غاب الحسن طلعوا يزأرون
أحمد وجاسم ويل گلبي چنهم غصون

أحمد تسلّح وانتخى جدّام عمّه
يگلّه درَخّصني يويلي وزاد همّه
ودنّگ ابو سكنه على بن خيّه وشمه
وضمّه الصدره والدّمع يجري امْن لعيون

حصّل إجازه وانتضى سيفه البتّار
وتوسّط العسكر شبل حيدر الكرّار
ستّعش عام العمر آه يگصَار الاعمار
ذاك الشّباب بصرخته ظلّوا يموجون

زلزل ميامنها وعليها سد الدروب
وگامت مياسرها امن ابن كشّاف الكروب
جده علي وعبّاس عمّه الولد منتوب
وشب الظّما بگلبه ورجع يَمْ سيّد الكون

يگلّه يعمّي العطش فَتْ گلبي وچواني
برّد غليلي من الظّما برجع مكاني
للموت يا عمّي أريد أسبگ اخواني
دونك يَعمّي لوطحت خلهم يحملون

ودّع حسين ورجع محْربْ للحريبه
بعزمه طواها والگلب يوگد لهيبه
تقفّاه هاني بن ثبيت ابن النجيبه
بالسّيف صابه ووگع من صهوة الميمون

جابه الشّهيد حسين من حومة الميدان
ومنصوب للموتى بجنب الخيم صيوان
سجّى ابْن خيّه وفرّن بدهشه النّسوان
وهاجوا اخوانه مسلّحين وخاضوا الكون

مابين فتره وينحدر للكون عَمْهم
يرفع بصدره اليخر بالميدان منهم
وصفْهُمْ يويلي مخضّبين بفيض دمهم
وجسّام تاليهم طَلَع محرب ومحزون

صد لخوته كلهم على التّربان صرعى
عرّج عليهم واحنت الاحزان ضلعه
يَمهُم وگف لحظه وصب ادموم دمعه
وگلهم يخوتي ليش نومه ماتنامون


 

اترك تعليق

avatar
  Subscribe  
نبّهني عن