الوزن : الفائزي
الموضوع : العباس

صورة الشاعر
اسم الشاعر : ملا عطيه الجمري

إعطاء العباس الأمان والرخصة


الشمر مع العباس

شمر الضّبابي ايخاطب اولاد امّ البنين
ويگول يا عبّاس خلّوا عنكم حسين

فكر ترى مطلب اخوك مچيد وبعيد
كلّه مخاطر والسّلامه بطاعة يزيد
هذا أمانك واخوتك عندي وإذا تريد
نخلّيه تحت تْصَرّفك جيش العراگين

گلّه يطاغي شهالكلام اللّي تگوله
سيف الگضا بونا علي واحنا شبوله
أترك حمى الدّين وحبيب الله ورسوله
واتبع نغل سفيان لا مذهب ولا دين

ديني حسين ومذهبي خلّ الأخوّه
ركن الدّيانه بوعلي وفرع النبوّه
أترك خواتي تنسبي ووين المروّه
محنا نتيجة هند، صفوه وهاشميين

حيدر ابويه اسمه على ساگ العرش نور
واخذل عضيدي حسين وانصر شارب خمور
والله لراويكم فعل للحشر مذكور
وتجدّده كل عام شيعتنا المحبين

مغضب رجع وحسين يترگب رجوعه
مثل الاسد يهدر ولا يملك ادموعه
وگبال ابو سكنه وگف يبدي خضوعه
وحسين گلّه والحچي ما بين الاثنين

انت عضيدي يالأخو وانا عضيدك
وانا مراد الجيش وانت ما يريدك
عبّاس انا المطلوب وانت الامر بيدك
دنّگ وحب ايده وهل مدامع العين

وگلّه يبوالسجّاد روحي اليوم تفداك
ويّاك لگضي العمر يامظلوم ويّاك
وجودك يخويه العيد واقبلنا ضحاياك
هيهات يعدي عليك عادي واحنا حيّين

نفس الرّسول ومهجة الزّهرا ونخلّيك
نطلب سلامتنا ونعوفك بين اعاديك
بالجيش رخّصني يبن حيدر واراويك
وزينب بخيمتها وسمعت نحبة حسين

طلعت تجر اذيالها وتصعّد انفاس
دشّت الخيمه وبالمصايب گلبها حاس
ولنّ الشّهيد يگلّب بچفين عبّاس
وگفت بحيرتها الوديعه بين الاثنين

صاحت وهي متأكّده حلول المصيبه
يولاد حيدر لا تخلوني غريبه
ومن شافها المظلوم بطّل من نحيبه
وگلها علي السجّاد عندچ ماتضيعين


الحسين يرخص العباس في العودة للمدينة

ضاگت يبو فاضل فيافي الغاضريّه
واشوف بين خيامنا تحوم المنيّه
چنّي أشوف حتوف واعمارٍ گريبه
وچنّه الگضا نازل يَسردال الكتيبه
باچر على راسي أنا تدور الحريبه
وهالجيش هاللي مجتمع كلّه عليّه

وگصد الأعادي من عضيدك يبن الامجاد
سوم الدنيّه وطاعة الفاجر ابن زياد
وحتف المنيّه بينها وما بين المراد
ويدرون أخوك حسين ميدوس الدنيّه

لكن يبو فاضل بخوتك گوّض وشيل
وانا اتركوني ابهالفضا والگوم والخيل
ردّوا ابسلامتكم يخويه بأوّل الليل
أمكم حزينه ودوركم تبْگى خليّه

وسلّم على محمَّد وگلّه يبن الامجاد
إلتفت لا تنگطع من بعدي الوفَّاد
وآنا عليّ ابهالفلا ياخوي ميعاد
أنذبح واختك تنسبي وتركب مطيّه

گلّه يبو سكنه تركت الگلب مكسور
مَنْته ملاذ النّاس وانتَ العمد والسّور
لاوين أنا اتوجّه ومجبل يوم عاشور
كلنا انتمنّى الموت دونك يا شفيّه

أرجع واشوفك حاير وتتحدّث النّاس
خاف المنيّه وعاف أخوه حسين عبّاس
وشعاد لوگطعوا چفوفي وفضخوا الرّاس
هاي السعاده ودونها حتوف المنيّه

وزينب على باب الخبا ودخلت كئيبه
تصيح بذممكم لا تخلّوني غريبه
لوعافنا العبّاس ياهوالنِلْتجي به
وسط الفلا وعدوان ما بيهم حميّه

واهوت على حسين وعلى العبّاس بالحال
تگلّه تخلّينا يبو فاضل يَسردال
وتشوف أخوك حسين حاير ماله رجال
ياهوالطلَعْني امن الاوطان وزمط ليّه 


 

اترك تعليق

avatar
  Subscribe  
نبّهني عن