يحسين رد ابهالضعينه

يحسين ردْ اِبها الضعينة للمدينه

لا تروح وادي الغاضريّة با ولينا

شالوا بني عدنان من مكّة اُوطيبَه

مثل الاُسود النازلة اِبيوم الحريبَه

واِحسين قدّام الضَّعن الله يجيبَه

يمتى ترد يحسين ياخويه علينا

يحسين بعدك دوركُم ظلّت خرايب

قلبي ينور العين ذاب اِمن المصايب

يمتى تجي يحسين يا سبع الحرايب

يوم السّعد من يلفيِ المندوب لينا

يمتى يجي المندوب قوموا وصل الحسين

أقبل ابقومه اُو عزّوته اُوكُلّ النّساوين

سالم عسى الله يرجعَك يا قرّة العين

يا ليتني ويّاك قدّام الضعينَه

يحسين بعدك منزلي ظلْمه نواديه

لو من لفانا الليل واَبدانا اِبهواديه

أذكر مزايا بوعلي خويه اُو نواديه

يهل الحميّة والشّيم عُودوا علينا

ما حد غدرْ بيِه الدّهر مثلي ولا خان

في يوم واحد فارقتْ شيباً اُوشبّان

عبّاس والجاسم اُوعون اُوكُل لخوان

اُوكُل الحمولة فارقت أرض المدينه

واَعظم عليّه يوم هل اِهلال عاشور

يومٌ نظرته سال دمع العين منثور

عندي عِلم مثل الوحي في اللوح مسطور

أبداً ولا غيّابنا ترجع علينا