بالمحراب اويلي طاح أبو حسين
دم الراس يتفايض عله العين
بس ما طاح أبو الحسنين مجروح
ثار اصيا ح لهل العرش بالنوح
طبره اشلون طبره التشعب الروح
تشوف السم اودم الراس لُونين
طاح اشلون طيحه اتنحّل الحيل
حين الوگع گبر صايح ابليل
ماج العرش بهله اوصاح جبريل
يهل وادم تراه اتهدم الدين
آيا دهشة ام چلثوم بالنوم
فزت ويلي گلبي ابگلب مالوم
لن صوت المنادي ايصيح چلثوم
اگعدي راس ابوچ انجسم نصين
گامت تنتحب وتصيح واويل
اشهل عمله الدهتني ابتالي الليل
عليّ نغّص منامي صوت جبريل
يگلي راح عودچ لا تنامين
حسن واحسين اجوها عالبچه ابساع
يخوي الگلب منچ ليش مرتاع
نسمع صوت منه ارتچت الگاع
اخبرينا يخويه ليش تبچين
تگلهم يخوتي راح ابوكم
وخلافه يخوتي اشلون بيكم
عزكم راح يا ويلي عليكم
كهف هاي الأرامل والمساچين
اجوه اشلون جيه ابدمع يسفح
لگوه بالدم عمت عيني تسبّح
روحه غايبه اوراسه تجرّح
حن ويلي اوصاح الحسن واحسين
صدّ ليهم ابعينه اويحن گلبه
يلوج او يونّ من شّدة الضربه
امسحو الدم على اعيوني مصبه
ابهون ورفج شيلوني يطيبين
اترك تعليق