صورة الشاعر
اسم الشاعر : الشيخ محمد حسن دكسن

وفاته وتشييعه

شفّ بحر الكرم والجود هالحين

مات الحسن ردّو يالمگصدين

حفّت بالنعش عدنان كلها

الگبر جدّه تِزَوره اوصايح الها

عدت ليه العده العبدت عجلها

ترمي بالنبل نعشه الملاعين

نهض مغضب احسين اوصاح بيها

يگول ايموت كل الگرب ليها

يغادين البخت شلكم عليها

لون موصي ابحرب لحي الميادين

صاح احسين بطلوا الفتن يا ناس

ما وصى ابحرب يولاد الارجاس

شهر عباس سيفه اوفرّع الراس

اونادى وين غيرتكم يطيبين

صاح احسين يا خويه يعباس

خوي اصبر يراعي الدرع والطاس

لا تنسى وصية راعي الباس

خبرنا تراهم حيل جسرين

شال احسين اخوه ابگلب مالوم

نادى يا بدر هاشم اومخزوم

علي يصعب يخويه افراگك اليوم

يبحر الجود يا علّة التكوين

مدري اشگال من نزّله ابگبره

فوگ الوجن ظل يسچب العبره

عفى گلب الحسين اشكثر صبره

لونه بالصخر چاصار نصين

اشكثر ونّ اعله اخوه اوبچت عينه

عشر اسنين ما بطل ونينه

لمن عاف ابو اليمه المدينه

من كثر الفتن واتمرمر الحسين

اترك تعليق

avatar
  Subscribe  
نبّهني عن