على الزهره يگلبي انجسم نصين
گضت ويلي اونعاها طاير البين
گضت اومصابها مامر شبيها
بچو سبطينها اوشبگو عليها
حنّت آه شبگتهم بديها
اوهتفت بالعرش نحّيهم يبو احسين
يحيدر شيل سبطين الزجيّه
شيل الحسن يا حيدر وخيّه
ارضها والسما حنت سويّه
الفگد بضعة الهادي اوينحب الدّين
رفگ بيهم رفعهم عن صدرها
غسّلها اوحفر بيده گبرها
دفنها اورد ونينه ايطر صخرها
امهبّط والدمع يجري امن العين
اوعمّار اعتجب يوم اللفه ايزور
يگله اتنوح يمشكر يمذخور
گله ابچيت شفت الضلع مكسور
على المغسل او شفته انجسم نصين
اجت زينب تناشد على الزّهره
يبويه الگبر گلي وين حفره
يبويه اوخلّفت بالگلب حسره
اودليني يبويه اعلى الگبر وين
يبويه امي امصيبتها غريبه
يتخفى گبرها اشهالمصيبة
عزيزة حيدر اومهجة حبيبه
من شيع نعشها امن المسلمين
والله امدلـلّه بايا م ابوها
بس مامات گومه روّعوها
خذو منها ورثها وانكروها
يطلبون الاعادي چنهم ابدين
عگب غصب الورث كسروا ضلعها
اوعن حگها الرجس عمدا منعها
هو الآمر على الشجره اوگطعها
اوبيت البيه تچن حرگو الجسرين
تونّ امن الهظيمه اشلون ونّه
اوضرب السوط دوم اتلوج منّه
كسر الضلع مكلها اتهون عنّه
بس ايشابهه المحسن ولحسين
المحسن آه من عصروا لزهره
ضلعه انكسر من شدة العصره
ولحسين انطحن بالخيل صدره
بالطف من هوه ابذيچ الميا دين
تلوج امن الضلع گضّت عمرها
اوبچت عين حيدر عد گبرها
رد الدارها الوحشه ابكدرها
چنها اتنوح لفراگ ام الحسين
حيدر ظل عگبها ينوح حزنان
گضه أيا م عمره ابدهر خوّان
لمن گرب تاسع عشر رمضا ن
المنايا حاطت ابسيد الوصيين
اترك تعليق