ابو الكاظم صبر عالغيظ واكظم
اوعلى چتله بگه المنصور مهتم
بگه المنصور بس يسعى ابذهابه
اوزاد اعلى العدو ابفعله الگرابه
من يثرب لعد بغداد جابه
او بالمجلس عليه گام ايتكلم
يگله اتكاتب الوادم يجعفر
على ملكي اوعليه اتريد تظهر
وهو واگف اومن عنده ايتعذر
او يحلفله ببوه اوجده الاعظم
يگله هالكتب مو خط اديّه
او چنت گبلك امعاصر آل اميه
وهم اعده الخلگ جانوا عليه
ما والله خنتهم وانت تعلم
اوياك النسب يجمعني يمنصور
يبن عمي اوعلي هاي الكتب زور
مني من تشوف اعليك محذور
ابسجن حطني لمن يلفي المحتم
ردّه اليثرب وآمر ابسمه
عگب ذيچ الهظيمه اوفوگ همه
گضه مسموم وابنه اينوح يمه
اونصبله للعزه ابفرگاه ماتم
اترك تعليق