صورة الشاعر
اسم الشاعر : السيد عبدالحسين الشرع

هذا حسينك بالعرى

صدت لبوها اونادته حيدر يبويه ابساع

گوم انتهض فزاع … شبلك هوه اعلى الگاع

وتواردوا طعن اوطبر

لحد يبو الحسنين … انهض اوعين احسين

دارت عليه صوبين

ما هگوتي ايضمك گبر وحسين عالتربان

ظامي الچبد عطشان … وتولته العدوان

وتعنه لخيامه المهر

لحد يبو الحسنين … انهض اوعين احسين

دارت عليه صوبين

طلعن خواته امن الخيم يردن يشوفنه

اوجرحه يشدنه … ياحيدر اولنه

گاعد على سدره الشمر

لحد يبو الحسنين … انهض اوعين احسين

دارت عليه صوبين

صاحن ابهونك ياشمر خليه لعياله

لتيتم اطفاله … متروف بحواله

سيفك تحطه ابيا كتر

لحد يبو الحسنين … انهض اوعين احسين

دارت عليه صوبين

اترك تعليق

avatar
  Subscribe  
نبّهني عن