صورة الشاعر
اسم الشاعر : السيد عبدالحسين الشرع

نزول الحسين كربلاء واحتجاجه على القوم

نزلو آل غالب والسفر تم

اونصبوا للحرم بيها المخيم

من سمعت الكوفه ابنزلة احسين

تناخت واعلى حربه افزعت صوبين

چن الها اعلى حامي الحمه دين

اوحل وقته اوتريده امن المشيم

الحريب احرب والمحشم يحشم

اوعلى احسين الكتايب غدت تجدم

كلها اتصيح لبن ازياد سلم

اولو ماسلمت هيهات تسلم

من شاف الغدر جادم عليها

اودوت عالمشرعه اوخيمت بيها

ركب راحلة جده اوگصد ليها

او وگف مابينها اوقام ايتكلم

صاح انشدكم ابرافع سماها

وباللي كون الحبه اوبراها

ماتدرون كلكم جدي طاها

وبوي المرتضه الليث المشيم

وامي الطاهره البضعه الزچيه

واخوي الحسن وانه احسين اخيه

يهالوادم طلب شلكم عليه

اوياهو الكم يحل چتلي المحر

كتبتولي ولعد حيكم تعنيت

اوبين اظهوركم بالشمل حليت

لون ادري بغدركم چان ماجيت

اولا ظعني لعد حيكم تجدم

گصدت الكم وخاي اليوم گصدي

اونگضتم بيعتي اوخنتم ابوعدي

دخلوني ارد الوطن جدي

وافارجكم افراگ الما تندم

صاحو چيف تسدر بعد يحسين

اوهاي الخيل بيك اچنفت صوبين

مد ايدك اوبايع عاد هالحين

يو منكم فلا ديار يسلم

صاح بصوت هيهات امد ايدي

وابايع الوي اعلى الظيم جيدي

دون احدود عزي الموت عيدي

اوحياتي بالمذله اتصير علگم

سدو للخيم لاچن سدر مهموم

طلعت زينب اوصاحت يجيدوم

دگلي اوياك شنهي نية الگوم

اوعليمن هالجمع يحسين ملتم

جاوبها يزينب رحت ليهم

حچيت اولا نفع كل وعظ بيهم

لگيت ابليس متغل عليهم

اوعلى حربي جميع الجيش عزم

صاحت يابدر عزنه اوسعدنه

يخويه من تروح اشيظل عدنه

يخويه للمدينه اسدر وردنه

گبل مانصبح الهالگوم مغنم

جاوبها اتهل عبرات عينه

امنين انرد يزينب للمدينه

الدروب التزمت كلها علينه

اوخيل اعداي دارت بالمخيم

اترك تعليق

avatar
  Subscribe  
نبّهني عن