صورة الشاعر
اسم الشاعر : السيد عبدالحسين الشرع

من العقيلة إلى جدها عبد المطلب في مكة

وين اليلوح بغارب ادهم

وبشيمته اوعزمه ايتحزم

يگصد المكه بليل الاظلم

اويرگه اعلى ظهر البيت الاعظم

يصيح ابگلب واله امولم

وين الحفرها البير زمزم

گوم البناتك يا مشيم

عليهن ستر وحجاب ماتم

وحسينهن سدره تهشم

اوعباس عالشاطي امخذم

اوجسامهن جسمه تجسم

والاكبر خضيب اوسبح بالدم

اوحادي الظعن عالسير عزّم

ياهو البعد بيها ايتوزم

ترضه العدو اعليها ايتحكم

اترك تعليق

avatar
  Subscribe  
نبّهني عن