وين اليلوح بظهر ملحه
نديمة هوه اوبالسير سمحه
لو طفحت مثل المجنحه
مسير الشهر تطوي ابلمحه
يصل مكه البهلي مربحه
اوويه الفجر يصعد البطحه
اويشد معصبي الويّا ابرمحه
واگبال حي غالب يلوحه
اوينادي ابگلب مالوم جرحه
يشبول عمر العله الصلحه
عليكم ازناد العتب جدحه
تلفي اخيول اهلي مطفحه
عليها مذاريب اومسلحه
ينادو الشر عنك تنحّه
دونك نسوم ارواح فلحه
اوفجارك ابدارك نصبحه
اوگلبك يلمحشم نفرحه
ذاك الوكت دمعه يسحه
وحسين يخبرهم ابذبحه
اويگلها الحرم ليكم مشبحه
يبطخون كلهم فرد بطحه
اومرواح وادي الطف تروحه
تنادي العده الها الحد يجبحه
اوتدير الحرب دورات الارحه
اوتخلي الجثث بالفله امطرحه
اوعقب الحزن قلبي تبجحه
اترك تعليق