يوم العاشر ابشهر المحرم
خيل اوزلم دعّت للمخيم
صباح الشوم ذاك اشلون مصباح
بي للحرب گبر ويد واصياح
غدت بيض السيوف اتناغي الارماح
اوعج الخيل بالميدان غيم
جاب احسين بيده اثلث روايه
اوجسمها اعلى فرسان المنايه
خذوها اوعلگوا دون الثوايه
اوصاروا سور مايرگاه سلم
تعايو هالحرب هاشم والانصار
اومشو لحسين وبحكمه الرضا صار
نادوه احكم اعلينه يمغوار
ياهو اول على الحومه ايتجدم
صاحو هاشم احنه انريد نجدم
اوناخذ يبو اليمه ثار مسلم
اوعگبنه انصارنه اعلى الگوم تهجم
تطلب ثارنه اوبيه ايتوزم
صاحو من عگب هاشم الانصار
يبو السجاد عفنه العز والاديار
نريد اليوم نفديكم بالاعمار
اولا منكم خضيب انشوف بالدم
صاح احسين يافرسان عدنان
خلو انصاركم تجدم للكوان
وانتو اخلافهم طبو الميدان
واخذوا ابثارهم وبثار مسلم
تعال اوشوف من ارخصهم احسين
اشسووا بالمعاره اوبالميادين
صدگ لنهم اهم واحد اوسبعين
لاچنهم وبه اوعلگوم نسم
حده حدايهم ونووا على الموت
اوهاجوا چالليوث الفاجده الگوت
ماظل بالحرب معلم اومنعوت
اله اوبيه ذل الخوف وسم
يحسبون الرماح اوبيض السيوف
اجعود امعطره وملامع ازلوف
اطربوا على الويد اوملگه الحتوف
مثل ما بالوصل يطرب المغرب
تواصو عالوفه اويه حسين الاحرار
اوشافو عگب عينه اوجودهم عار
غدو يتسابگون ابسوم الاعمار
اولا منهم ابسومه اللي تندم
اطربوا عالمنايه اوغدوا يحدون
اودون ابنات وحي الله يحامون
لمن طاحوا ضحايه ابخطة الكون
اوعليهم بالشهاده الباري انعم
غدوا هذا اعلى حر الگاع مطروح
اوذاك ايعالج اودم نحره ايفوح
وهذا امن الطعن مابگت بي روح
اوذاك امن الطبر جسمه تخذم
عليهم شبچ زور النبل والزان
وعن العين غيب منها الابدان
ضحايه امسوا يويلي اوعلى التربان
تشع انوارهم والكون مظلم
تعنه احسين اوچب بالمعاره
لگاها امطرحه اودمها ايتجاره
صفگ بيده اوتلهف على انصاره
اوعليهم دمه عينه انحدر واسجم
غده يعتب عليها ابگلب مالوم
يطيب الكم يفرسان الوغه النوم
تخلوني وحيد بين هالگوم
اوكل منهم لعد چتلي تولم
اشلون اعيونكم يهل الفا اتنام
اوتسمعون الحرم لاجت بالاخيام
گامت تضطرب عالگاع الاجسام
اورادت تنتهض لوله المحتم
تحسر ويل گلبي الفگد الاحباب
اوسدر مايوس من عدهم للطناب
تلگوه الهواشم شيب اوشاب
اوكل عندهم لعد موته تولم
اترك تعليق