هند لبست حللها اولفت ليهم
لمن بالخرابه اسمعت بيهم
وراها الجاريه او طبت عليهم
او زينب غدت من عندها اتكتم
زينب نادت ام چلثوم اختها
عرفتي المجبله اعلينا انشدتها
تگلها لا يزينب معرفتها
گالت هاي عدنه گبل تخدم
على الكرسي اگعدت يم السبايه
اونشدت زينب انتوا بيا اولايه
ملوك انتوا بوطنكم يو رعايه
او زلمكم ليش عافتكم ابها الهم
تگلها امن المدينه احنه لفينه
تگلها المدن كثره يا مدينه
صاحت يثرب البيها نبينه
اوبيه اتشرفت عالبيت الاعظم
گامت هند اوعلى الگاع گعدت
ابيثرب واهل يثرب حين سمعت
تناشدها غدت والعين دمعت
عگب ما صلت اعلى النبي الاكرم
عن بيت ارد انشدچ صاحت اهناك
ليل انهار تخدم بيه الاملاك
راعيه الذي بالحرب فتاك
اوبي زينب واهلها بيه چلثم
تگلها ابيت من عده اشتريدين
عليه صول يزيد او هدمه البين
اوذاك اباب گصرج راس الحسين
وانه زينب البيّه الضيم وسم
من سمعت هند لطمت على الراس
اوصاحت وين الاكبر شارب الچاس
اوعنكم وين ابوفاضل العباس
والعريس وينه اوين مسلم
تگلها بكربلا تموا رميه
ضحايه امطرحين اعلى الوطيه
واجينه اعلى الهزل يسره اوسبيه
او عدنه غيرهالوجعان ماتم
اترك تعليق