اجت ليله العلي الاكبر .. يويلي و اوچبت عنده
تريد اتشوف اصاويبه .. وجرح الضـاهده تشده
تريد اتشوف اصاويبه .. واجـت ام الولد ليله
وصاحت وين زينب وين .. بالله وياي تچيله
وعن الشمس خل سكنه .. تجي ابهمه تفييله
يعماته تعالـــن جــاي
اجعدن هالولـد وياي
بالله وي علي بهداي
اجعدنه وخلنّي .. احط خدي على خده
عماته وخواته الكل .. صاحن يَم علي الاكبر
روح الولد خلصانه .. نجعده اشلون مانگـدر
يليله ينتبه خافن .. وجــروحــه عليه تسعر
گالت صدگ خلنّه
نايم لا تجــعــدنه
خـافنچن تلچمنه
الشمس والعطش وجروحه .. عليه من ينتبه شده
بالله لا تجــعــدنه .. وبـعــد لا نايحــه اتنوحه
لما نشوف اصـاويبه .. او لما انجلّب اجـروحه
بي ضنت رجه ويعيش .. يو لا كوضت روحه
بلچن بي رجه ويعيش
هده من الدهر چا ليش
وانخــاه ويــرد للجيش
الولد ما گالها الله .. يخلي والده وحده
حگها بلا فكر تحچي .. ام الولــد مذهــوله
وكلسا تنشد النسوان .. هذا ابني علي يولا
وين اهل الرحم تنده .. گطرة ماي جيبوله
وين البي رحم وينه
بگطرت ماي يلفينه
وليدي سـوربة عينه
وانه امه وصدن ليه .. عفيه ام الولد جلده
زينب تحچي وي ليله .. تگلها يَم علي بسچ
تره اصواب ابن اخوي مچيد .. ومسني مثل مامسچ
جــريبه الگــوم يا ليله .. لا لا ينسمع حسـچ
خل نجري الدمع سكته
هــذا يأم علــي الــردته
حــس ما ينسمــع حته
اخوي احسين مايقبل .. وبي ما يشتفي ضده
تگلها اشلون اتجلــد .. يبت المــرتضى ومــن گــال
زين وبعد بيه روح .. وشوف ابني اعله هذا الحال
شگولن غير هالــواحــد .. عندي وي الــزلــم رجال
ماني الدهر محني
كفـن يالتــلــومني
ويه الـولــد خلني
أون ولطم على وليدي .. الذاب من العطش چبده
وبعد ياعمته تدرين .. ماعنـدي ولد غيره
واحد ونفگد مني .. وضلت خاليه الديره
هـم وانه ويلومنّي .. والله حيرتي حيره
عساني الكربلا لا جيت
ولا بيها انبـنــالــي بيت
راح ابني علي وضليت
اصك الراح فوك الراح .. اگول الراح شيرده
زينب شافت الحاله .. اوغدت چنهه اسعفه وبريح
ولنها يابنات احسين .. يالله يا خــواتــه اتــصـيح
اريد الدمع من عدچن .. مثل دم بن اخوي يسيح
وهنه من الخيم هاجن
على ذاك الـولــد داجن
مثل لوجت علي لاجن
وأمه جالت وگالت .. ما راج الولد برده
شباب ابين عماته .. وخـواته وساعة الفرگه
وامــه فــوگهن تنــده .. انطـن للــولــد حگه
اريد اللطم بالهوسه .. واريد الصايح بحرگه
هــا يــلــلــه يعمـاته
الولد شم الهوه فاته
آيــا ورد وجــنــاتــه
يزهي چان بخدوده .. وهسا الخد ذبل ورده
اترك تعليق