اجت شايطه وشبگت ولدها
والولد گطعه من چبدها
اوچبت عد راسه تندها
ياللي جبتها گوم ردها
امك تداعيك بجهدها
تگلّك وتدمي اعليك خدها
تره خلتك محد يسدها
يابدر عزها ويا سعدها
اشخلّيت يا مدلول عدها
يبني علي بالبحرب منعوت
اناديك ليه ماتسمع الصوت
يالولد ردتك ساعة الموت
وينشال بحضورك التابوت
ياللي گضيت بكربلا فوت
مبطل عليك النوح للموت
شلون استكن ويهيّدنّي
على بني الليالي البي جنّي
واحد وباگه البين منّي
گبل كربلا ميته عسنّي
وعگب الولد لا ضحك سنّي
انا امّك واريد اتودع وياك
دريّض يمن روحي فداياك
انا ابخيمتي ارد اقعد اتناك
تره خيمتي توحش بليّـاك
حسبتك عليّه تخلف ارباك
وين الربه اوّين التعب ذاك
اترك تعليق