المنايا حاطت ابسيد الوصيين
وام چلثوم تبچي اوتسچب العين
اجتّه اتسايله بنته الزچيّه
يبويه كدرت ليلي عليّه
يگلها لاحت اعلوم المنيه
يبويه خلص عمري اوگرّب البين
بچت ويلي اوگلبها امن الحزن هام
تشوفه الليل كله ايلوج مانام
احتزم للمسجد وگبل الفجر گام
اونوه يصلي ابمحرابه الركعتين
صلّى اللي يحسب الحرب عيده
وابن ملجم گعد چتله يريده
بس ماركع جر السيف بيده
ضرب راسه اوراسه انجسم نصين
ضرب راس ابوحسين شلون ضربه
سمّ السيف ضره اوحمس گلبه
ذاك البالحرب محّد يگربه
اشلون انضرب يا دنيه اشتفعلين
لزم راسه او هوه فوگ المصله
طاح اوصاح باسم فزت والله
گلبه من ولم راسه ايتگله
اودمّ الراس يتفايض على العين
اترك تعليق