يحسين كل اِلها عشيره
اجت ناهضه ابحزمه چبيره
اوطلعت الكل منهم يسيره
بس الفواطم غُرُب ديره
مامن عشيرتهن ذخيره
أهل يد اومنهم الغيره
انه اميسّره ابحگهم زغيره
ما بين غربه اومستحيره
مدار الحرم منهو اليديره
بالله يناعي احسين اصلهم
اهلنه الذي ينمال عنهم
عند العرب يضرب مثلهم
أهل الفخر والمرجله اِلهم
يعذون جار التحت ظلهم
أُوصيك من تنعه ابنزلهم
هسّه يجون اصفوف كلهم
تذب معصبي او تنخه اوتگلهم
تره ابكربله ذبحو بطلهم
واِخوته المناجيد اوطفلهم
وأُميّة سبت للشام أهلهم
هلي وين بالمنزل بعيدين
هلي الجارهم دايم امعذين
هلي بالكرم والجود حلوين
هلي بالرمح والسيف مرين
يوم التصير العين بالعين
للعدو چاس المر امشربيين
هلي ما دريتو ابعملة احسين
بالطف فصل لليطلب ابدين
اهو وخوته ضلّو مراهين
ضحايه و أُبات الظيم للدين
واحنه اليزيد الكل امغربين
هلي ليش ما جيتو مطلبين
تطلجون مسبيه النساوين
يوم الذي للشام فِتنه
بطبول اهلها تلگّتنه
يكفيك نسمع مسبّتنه
زلمها اوناسها امعيّده جتنه
امن الباب للمجلس خذتنه
الراسك يبو سكنه التفتنه
نشكي هظمنه او مذلّتنه
او طبّت الديوان أذهلتنه
وبضربته الراس احزنتنه
اترك تعليق