يويلي الحسن لمن مات بالسم
على احسين النوايب غدت تلتم
لفتله امن العراگ الكتب تردف
تحشمه اعلى المسير اوبيه تهتف
يبو اليمه عليك ارواحنه اترف
اوعلى افراگك تسيل ادموعنه دم
اجدم هاي الك يحسين شيعه
ابنهيك تنتهي اولمرك تطيعه
الغيرك ماتمد ايد اعلى بيعه
اولا ترضه الكفر بيها ايتحكم
يبو السجاد الك سبعين الف سيف
دونك تنتهض ابحمل التكاليف
عجل بالسفر يامنهل الضيف
اومن تجدم علينه الخير يجدم
من شاف الكتب هلكثر عده
عرف لن المگدر گرب وعده
جذب حسره اوتعنه الگبر جده
يودعه اويشتچيله امن امته الهم
هوه اعلى الگبر وعليه حنه اضلوعه
يشم اترابه ويسچب ادموعه
يبو الزهره الدهر لملم اجموعه
عليه والنوايب غدت تلتم
يجدي اوياك ضمني ابوسط لحدك
علي ضاگت اوساع الارض بعدك
يجدي اشچان ذنبي اودار مجدك
علي من دون كل الناس تحرم
غفت عالگبر عينه ابكثر الهموم
لنه يشوف جده ابخلوة النوم
يگله نحلت حيلي يمظلوم
اوحچيك للگلب يحسين ولم
گوم اوللطفوف اسرع ابمسراك
وخذ اهلك ينور العين وياك
عليل الدين يبني اوگام ينخاك
اودم نحرك العلة الدين مرهم
فز من المنام ايدير الافاكار
اونهض من گبر جده اوگصد للدار
غده ايلم اهل بيته ازغار وكبار
وعلمهم بالسفر وعليه عزّم
لفت عمته اوسمع من بعد ونها
نشدهم هاي عمتي اللفت چنها
گالو جايه اتودعك اضنها
گام الها اوعليها احسين سلم
گالتله اسمعت يحسين هاتف
اوگلبي اعليك من هالسفر خايف
يعمه الوطن جدك ليش عايف
اوعنه من وغيب الوطن يظلم
جاوبها اوضميره ابنار يسعر
اعوفن بعد هذا السفر مگدر
عهد منطي يعمه ابعالم الذر
اروح انچتل واطفالي اتيتم
من عرفت بني هاشم مرامه
گامت للظعن ذيچ النشامه
كل واحد توزمله ابنعامه
شد اشدادها اعليها اوتولم
الهوادج من گضه اعلى البل مشدها
اوحادي النوگ امّن من مجدها
لفوا لخيولهم شدو عددها
عليها اومصرعوها والظعن تم
اترك تعليق