الأمة أدتلك عوض تعبك أجر
يبو الزهرة بيوم عاشور الظهر
الأمه أدتلك عوض تعبك أجور
عاشر بعاشور لعبة خوش دور
خيل تسحگ عاليتامه وعالصدور
وخيل تهجم عالخدر بالحچي المر
وانت حاضر يالنبي بوادي الطفوف
وتدري بالصار وجره وعينك تشوف
خيل وسياط وحريج وضمه وخوف
والحريم اتجول من كتر الكتر
امتك جازتك يا سيد الأنام
سياطهم تلعب على روس الايتام
والخيام انچان تنشد عالخيام
مو خيم يا المصطفى صارت جمر
من أمتك هذا الجزه يالمصطفى
خدرك بطف كربله وج ونطفى
يبو الزهره وهاي ساعات الوفه
بدت من طاح أبو اليمه من المهر
يبو الزهره وبعد من چلچل الليل
وخمد صوت المعركة وچلة الخيل
والعقيلة اطلعت مهدومة الحيل
خاوية ومنها انهدم ركن الصبر
خاوية وتسحگ على جمر الخيم
والدموع من الدليل تسيل دم
اشلون تگدر تجمع أطفال وحرم
الفاجدة والحايرة وليلة ذعر
تدري ليل اهدعش وشلون انقضه
عاليتامه اوعالحرم ضاك الفضه
بالاحزان تصيح بت المرتضه
خايفه من الفجر لاطر الفجر
فجر لا طر يالنبي اولاح الصباح
وجابوا الهزل وحادي النوگ صاح
نريد للكوفه وصدگ للكوفه راح
وآنه رحت ميسره وي أهل الغدر
الحال ما يخفاك يا سيد الوره
ميسره وحسين أخوي اعله الثره
بالشمس وعظام صدره مكسره
والموادع صار بدموع الحمر
يالنبي هذا الجره من أمتك
جازتك ما گصرت من جازتك
لا كتابك حفظته ولا عترتك
وعكس ما وصيتهم صار الأمر
اترك تعليق