وين اللي كفل زينب .. وحط يمنته بيمنتها
تريده اليوم برض الطف .. على كل حال يبختها
زينب قصدت العباس .. و الهم قصد وياها
و حين الشافها العباس .. تتعثر إبممشاها
طلع من خيمته مغضب .. و الزينب تلگّاها
هلا يا زينب إيگلها
هله يا سلوتي كلها
زينب لعد كافلها
صدّت و القلب داوي .. و إختنقت إبعبرتها
زينب والقمر عباس .. تگلّه يبن حامي الجار
سمعت حسين أخوك يقول .. احنه ابهالمسه خطّار
يخويه ولازمه قلبي .. وخاف من الصبح لو صار
آنه مخدره تدري
وانته امكلّف بخدري
عقبك ما ردت عمري
الحرمه عقب ولياها .. ما تسواش ضلّتها
يسمع زينب العباس .. وعينه من الزعل حمره
يقلها بشاربي خدرچ .. يا زينب ودگ صدره
يمخدرت حامي الجار .. وحگ ضلع امچ الزهره
لفني ارگابها دونچ
أخوج وقرّت عيونچ
لا لا ينخطف لونچ
يزينب والعساكر هاي .. باچر كون أشتتها
العساكر قال أشتتها .. صال وقام يتطوه
وحين السمع حچي اخته .. هاج وهزّته النخوه
وزينب نادته بهونك .. يا والي الحرم تگوه
هود يبن داحي الباب
تگلّه والدليل انعاب
حچي ويّاك إلي وعتاب
يبو فاضل وسولفلك .. تگلّه وتجر ونّتها
أسولفلك يبو فاضل .. عودك ليش راد أمك
وعن طَيبة نسب حرّه .. أبونه من نشد عمك
إنته غايته منها .. و إلهالنايبه ضمّك
أبونه المثل هذا اليوم
رادك ذخر يا جيدوم
هاي الخيل هاي القوم
وهذي كربلا وعَودك .. وصيته هاي ساعتها
إغتاض و قال يا زينب .. شنهي الخيل وإتهمچ
أخوچ وْصارمي بيدي .. فنّه اليگحم إخيمّچ
وحق الحسن يا زينب .. وچبده وكسر ضلع أمچ
لخلّي إجموعها طشار
و أخلّي النايحه إبكل دار
و أخلّي كربله تذكار
و أخلّي الناس جيلٍ جيل .. ما ينسون عملتها
و ثلثتنعام أبو فاضل .. مثلما قال سواها
فنَه ذيچ الزلم و الخيل .. تموج إمروج خلّاها
وزينب واقـفـه واتشوف .. وبعباس تتباها
ساعه وطاحت الرايه
مْن أخوها على المسنايه
طاح وضلّت الثايه
طاح وصاح أبو فاضل .. يا زينب و هضمتها
طاح وصاح يا زيـنب .. يختي العذر لله وليچ
لون ايدي تلوح السيف .. ماچان العده توليچ
يزيـنب هامتي وعيني .. ويميني ويسرتي تفديچ
يزينب من توفيني
وحياة امچ تعذريني
وسهم النايبه بعيني
يا زينب تشوفينه چان لچبدتچ فتها
عذرتك يا قمر هاشم .. وانت أريد تعذرني
چنه وما چنت ترضه .. بني عدنان تنظرني
وهسه يبن هاي القوم .. تهضمني وتيسرني
بعد يالبيك أشيل الراس
متحيره شگل للناس
انسبيت وكافلي عباسطلعنه ورايتك تخفق .. علي كل عين شافتها
اترك تعليق