عگب ما سكن هضل الناس والويد
او گضت بيهم الوادم فرحة العيد
خذوا كل اليساره المجلس يزيد
وهو اعلى التخت وبها النصر مغرم
ابراسه التاج وبهاالنصر فرحان
ويمه جاعد اعلى التخت مروان
لمن عاين الذلة النسوان
گام النغل باسلافه ايترنم
صاح الراس وينه اوحين شافه
هتف بالثار وتذكر اسلافه
شال العود ويجلب شفافه
او يضرب گام من عنده المبسم
تفكر للرباب ايزيد بالعين
لعد هالراس گاللها تعرفين
علامچ من انشدچ تسكتين
او عليها ابراس ابو السجاد اقسم
گالتله يبن سفيان شتريد
علي تقسم ابراس حسين العميد
اتمناه حي اليوم ييزيد
او يشوفك علي بالمجلس تهكم
صاحت زينب اوعبراتها اتسيل
لا تضرب ثنايه ابن البهاليل
هذا البلمهد ناغاه جبريل
او بيه الله اعلى دردائيل انعم
راس احسين لاتضرب ثناياه
مهو مرشف الهادي ونور عيناه
عساني الموت اخذني اورحت وياه
او لا بشفافه اشوف العود وسم
هاي امن العداله يبن سفيان
تطب ابنات وحي الله الديوان
لون جدهن يعاين حالهن چان
عليهن دمع عينه انحدو واسجم
آمر للخرابه ياخذوهن
او لهل الشام فرجه يخلوهن
او لاچن حيدر الكرار ابوهن
اولا جدهن الهادي او بضعته الام
گامت بالخرابه تون وتنوح
مثل ون الحمام اليوم بالدوح
عليها الناس گامت ترد وتروح
امعيده او بالفرح كلها اترنم
اترك تعليق