الوزن : النصاري
الموضوع : الكوفة

صورة الشاعر
اسم الشاعر : السيد عبدالحسين الشرع

في مجلس ابن زياد

غدت ذيچ الخلگ عالظعن داره

تتفرج يويلي اعله اليساره

لمن طبت لعد گصر الاماره

ذليله او گابعه بالهظم والهم

وگفت والدمع يجري اعلى الخدود

او وياها العليل ابمهجته ايجود

شافت بيد ابن مرجان العود

يضرب من ابو اليمه المبسم

حنت زينب اوگامت تنادي

ميل العود من مرشف الهادي

سوطك صابني او ولم افادي

گبل ما لعد ثغر احسين ولم

غضب لمن سمع زينب حچيها

او شال السوط بيده اوهم عليها

نهض واحد اوصاح الحگ بديها

ماظل لا اخو عدها ولاعم

سمع حچيه او تغير علي السجاد

اوصاح ابصوت يبن ازياد بس عاد

تفكر ليه اوصاح اخذه يجلاد

اخذ راسه اولبوه احسين شتم

صاحت زينب او لزمت اذياله

يبن ازياد ارحم سگم حاله

عدل خليه وذبحني بداله

غيره الها الودايع بعد ماتم

اترك تعليق

avatar
  Subscribe  
نبّهني عن