في رثاء علي الأكبر

الماي يبني امنين اجيبه

او گلبي مثل گلبك لهيبه

يبني مواعيدك جريبه

يبدر التنوّه اعله مغيبه

ياگصوره المعرس ابشيبه

خواتك و عمّاتك ابريبه

يرضيك لن زينب سليبه

عدام العمر يرفع الغيبه

سَـدَّر مهتمّ ابظهر النجيبه

او شال الكتيبه اعله الكتيبه

سوّه مثل حيدر ضريبه

گومي تلگّي ابنچ يليله

شدّي اجروحه و هلهليله

لامة حرب شايل ثجيله

ومن العطش ذايب دليله

وحسين أشوفه يتچّيله

راح الذي راسي يشيله

يبني علي فتشة العين

يبني الصواب الچاتلك وين

آنه والدك عد راسك احسين

او علي حالته شنهي بعد وين

ينازع اوعنّك سكّته البين

بچه او ودّعه ابشمّة الخدّين

ياعلي يبني انّوب ذلّيت

والموت ياخذني تمنّيت

عمود الوسط يالشايل البيت

يبني بعد عندي اشخلّيت

آنه بيش اجيت و بيش ردّيت

ياواحدي للحيل هدّيت

او ظهري انحنه ولشوفي اعميت

عساني لهاي الدار لاجيت