اليوم اصبح ينوح اوينحب الدين
اويهمل دمعه ابدما الفگدك يياسين
يويلي من حنه الكرار ضلعه
اعلى ابن عمه اوهوه فوگه يودعه
صاح اوداعت الله اويصب دمعه
اورد تجري اعلى خده دمعة العين
حنّت فاطمه اوجذبت الونّه
الف وسفه يطاها أبعدت عنّه
يبو ابراهيم يا راعي المحنّه
تفارجنه دهر لايوم واثنين
عمت عيني غدت تصرخ الزهره
تون يم راس ابوها اوتجر حسره
هوت فوگه تنوح اوتشم نحره
اوگلبها امن الونين انجسم نصين
يبو ابراهيم ماتگعد وحاچيك
تره روحي يعگلي ذابت اعليك
چنت عزنه يبويه اونستچن بيك
يومك صعب چيف انفارجه اسنين
تهل ابدم دمعها الفگد ابوها
اوبيها اتشمّت اخلافه عدوها
تشوف اجنازته الوادم خذوها
صاحت وين بالمختار ناوين
غابت روحها اوطاحت الزهره
اوشاله المرتضى اووسّده ابگبره
رد عليها علي اوگعدت ابعبره
يهل ابدم دمعها على الخدّين
بچوا واتناحبوا من جور الهموم
اوحيدر سهر ليله اوحرّم النوم
اوهجمت على الدار اوصاحت القوم
خل يطلع علي ايبايع ابهل الحين
اترك تعليق