گبر النبي طبنّه الأحرار
اوعله روسهن متراكم اغبار
لِگطع الفياي اوبُعد الأسفار
و الوجوه متبدلّه امن الاِغيار
من طبّن امهتكات الأستار
او جمع السبايه اعله الگبر دار
مناحه اونعن بأنواع وأطوار
شچت زينب اوعزّت المختار
تندهه اوگلبها يجدح ابنار
ابحرب كربله ما چتّك أخبار
بدري الطلب والثار بالثار
احسينك وأُخوته اوكلّ الأنصار
مثّلو بيهم ما جره او صار
اوبناتك يطوفن كلّ الأمصار
انه اشلون اجي للدار والدار
اهي خاليه ما عندي اصبار
ماج الگبر من كل الأكتار
شبه السفينه ابحر تيار
سمعت ونين البلگبر صار
سمعت كلامه تحت الأستار
يحسين اِلك بالگلب بسمار
اترك تعليق