اختك الكوفه امن اجت ليها
يا طبّت الگشره عليها
يبن والدي شمّات بيها
تسمع شماتتها اوحچيتها
ولا من عشيره اتمد اديها
تطلج العيله من سبيها
اوطبت المجلس نختشيها
يرضيك هذا يا وليها
يخوتي اشبعد شحچي شگلكم
هظيمه الحرّه امخدّرتكم
سمعتو شيخاطبني عدوكم
يگول النذل ربكم فضحكم
يگول استراح البلد منكم
يزينب اوشفتو اشلون ذلكم
نسيتو بني هاشم فعلكم
بشيوخنه سلفو چتلكم
فعلتو اوفعلنه احنا مثلكم
كتلنه العميد احسين منكم
وانتم سبي وانّهب عزكم
بالمُلك بعد احسين شلكم
عَلَي طبّت ابن ازياد شدّه
يعرضونه وحدةٍ وحده
اومن شافني كثّر النشده
يسبني ولا واحد يردّه
بس راس أُخوي احسين عنده
يضربه النذل بالسوط عمده
وينه علي ابعينه يصدّه
بس دمعته تجري اعله خدّه
توجه علي الكرّار جدّه
هتف بالعشيره اوبهل ودّه
اترك تعليق