اليوم الگلب يابوي غيّم
عليك وركن صبري تهدّم
وعلى فرگتك عيني تهمل دم
كتلني المرض والهجر والهم
وما واحد البالحال يهتم
والمثل حالي شلون تسلم
يمتى تجون الله يعلم
يابوي من يوم الضعن سار
للعراگ حط بالگلب بسمار
وفراگكم وج بالگلب نار
ومدري اعلى ابوي شصار ماصار
والدهر بالطيبين غدّار
يا والدي تيّهت الافكار
بضيفك لمن يجبل على الدار
ويصيل يهل الدار خطّار
شنهي العذر والعگل محتار
اترك تعليق