الوزن : النصاري
الموضوع : الكوفة

صورة الشاعر
اسم الشاعر : السيد عبدالحسين الشرع

طوعة تبحث عن حميدة

لفت طوعه تون ونه شديده

تنادي وين بت مسلم حميده

اشوفنها اوعليها ابچاي ازيده

وريد احچيلها اشصار اعلى مسلم

بچت زينب اوصاحت خبرينه

اعلى بن عمي اشجره بهاي المدينه

صدق چتفوا امن ايساره اليمينه

اويدير العين بين اهل الغدر تم

بچت طوعه البچاها او گالتلها

شسولفلچ يزينب عن فعلها

عليه هاجت الكوفه ولفت كلها

اهو ابداري واعليه الجيش درعم

طلع ليهم اوصمصامه ابيمينه

لچن عرج الغضب لاح بجبينه

سبع چنه اويحامي عن عرينه

تفر منه او عليها ايگوم ينهم

تناخه الفزع والعسكر عليه دار

بسيوف اونبل وارماح وحجار

گامو يوجون الگصب بالنار

يويلي اويذبوها اعلى المشيم

عليه صارت امن العدوان لمه

وهو اعليهم يكر كرات عمه

لمن كثرت اجروحه او نزف دمه

وگف لاچن يزينب سبح بالدم

ولوه اوچتفوا ايمينه اليساره

اوخذوا للگصر وجروحه اتجاره

رموا للگاع من گصر الاماره

يويلي او كل عظم منه تهشم

بچت زينب اوكل الحرم ناحت

اوحميده صرخت او عالگاع طاحت

يبويه تنچتل مظلوم صاحت

غريب او لا اخو يمك ولا عم

اترك تعليق

avatar
  Subscribe  
نبّهني عن