فزت تنادي اوصوتها ايبيد
صم الصخر ويذوب الحديد
اريدن ابوي الضيغم الحيد
چم دوب ياعمه المواعيد
والتمن اعليها المفاجيد
كلما يسمعنها البچه ايزيد
لمن بچاهن صارله ويد
اوصلت الصيحه المجلس ايزيد
نشدهم اشصاير حادث اجديد
اسمع بواچي ايزلزل الميد
گالوله خدامه والعبيد
طفلة احسين العودها اتريد
گلهم بچاها بعد شيفيد
راووها راسه بلچن اتهيد
جابوا اوشافتهم امن ابعيد
صاحت هله ابراسك يلعميد
يهلال عزنه ابليلة العيد
ليش اگطعت بينه يصنديد
اوعفتني اويه ناس الموش اجاويد
شبگت عليه اودارت الايد
لاچن ذليله اولاويه الجيد
ساعه بگت والنفس ترديد
صاح العليل اوصيحته اتچيد
ماتت يعمه اختي اعلى الوريد
اترك تعليق