يعيني ابچي اودمعچ خل يهل دم
على الزهره وضلعها اللي تهشم
گبعت بالهظيمه اخلاف ابوها
اوحته امن البچه اصحابه امنعوها
تعنو دارها اوبيها اعصروها
لمن طگ الظلع منها اوتهشم
غدت تصرخ يافضه ضدري انعاب
او محسن سگط مني ابعتبة الباب
اجت فضه اولگتها فوگ التراب
يسيل امن الصدر و ضلوعها الدم
طبت دارها اوظلت عليله
اوجفنها امن الولم ماغمض ليله
تروح الگبر ابوها اوتشتچيله
وهو ابگبره اوعلى الزهره ايتهظم
من تسمع ابذچر النبي الهادي
اسمه اعلى المآذن والنوادي
تغيب الروح من عدها اوتنادي
عساني اوياك ياخذني المحتم
ظلت تون والونه شجيه
اويون يمها الحسن وحسين اخيه
لمن دنت من عدها المنيه
وصّت تندفن بالليل الاظلم
اترك تعليق