صورة الشاعر
اسم الشاعر : الشيخ محمد حسن دكسن

شكاية القوم من أنين الزهراء

تون ونّه اوتفسر الصخر بيها

نهار اوليل بس تندب وليها

وهل طيبه لفت تشچي عليها

گللها يحيدر لاتنوحين

لفا الداره يويلي ابگلب مالوم

اشكثر گلبه عليها اتحمل هموم

يگلها اعليچ عندي اشتكت هالگوم

يردونچ من الصايح تسكتين

تگله ما ابطل النوح لحظه

ولا جفني يحامي الجار اغمضه

يبو الحملات گلي اشلون ترضه

اهوّد من عگب سيد النبيين

بچت عينه عليها ابگلب ولهان

اودمعه فوگ خدّه ايسيل غدران

اوبنه ابيده المشكّر بيت الحزان

بيه تبچي اوتهل دم دمعة العين

حرگوا بيتها اوگطعوا الشجره

اوللدار اعتنت تسچب العبره

اوحسره ايجر گلبها بثر حسره

اوگضت ويلي اونعاها طاير البين

اترك تعليق

avatar
  Subscribe  
نبّهني عن