لكدها اعلى السرب والخيل رفها
او لم ارواحها ابسيفه او خطفها
فل الحزم والرايات لفها
او لف خيل الموخر بالمجدم
صرخ بيها او يخذم گام بالشوس
اوخله اخيولها اعله ابدانها اتدوس
تسابگ مرهفه اورمحه على الروس
ينثر گام هذا اوذاك ينظم
يحوم ابها او يخز عبن الطليعه
او شحن بچتولها افجوج الوسيعه
چسب نوماسها او طب للشريعه
او چبده من لهيب العطش فحم
غرف غرفه ابيمينه اوراد يشرب
او گلبه امن العطش نيران تلهب
ذكر چبدة عضيده والدمع صب
ذبه او علي گال الماي حرم
يحاچي الماي گام او تهل عينه
يماي العذب ليش اگطعت بينه
عسنك من بعد لوعة اسكينه
تمور اومن جميع الارض تعدم
اشلون اشرب وارد ريان عنك
واخوي احسين ورده انمنع منك
ينهر العلگمي عگبه عسنك
وردك لاهنه ويصير علگم
مله جوده اوطلع فرحان بالجود
ركب غوجه او للمخيم نوه ايعود
عليه صاحوا العاده اوردوا اردود
او ذاك الجيش كله انگلب والتم
جذب سيفه اوعلگ بالحرب ناره
او شگ اصفوفها اوسدر الغاره
بروا يمنا واخذ سيفه ابيساره
او گال ايهون بس الجود يسلم
ما ذل وبگطع يمناه باله
نحرها اوكل هذاك الجيش شاله
اويلي اعليه من گطعوا شماله
وگف مغبون والحاله ايتهظم
دوه العسكر عليه اوتكاثر الويد
او طروا هامته ابعامود الحديد
تكوّر فوگ نهر العلگمي الحيد
او اظهر احسين لفراگه تفصم
اترك تعليق