نهض سلمان يبچي اوراح ليها
يصبرها على محنة وليها
گامت تنتحب ويلي عليها
ماردّن ولو تنجلب صوبين
اشلون اسدر اوحيدر يچتفونه
اشلون اصبر وخافن يكتلونه
شريچ الروح خلهم يردّونه
اليريد الحرب ينزل للميادين
هذي اولا فخر تهجم العدوان
تدري به اعلى ابو ابراهيم حزنان
چيف ايحارب اويذهل النسوان
عيب ايروّع اگلوب النساوين
انچان اليوم اهم يستوحدونه
بالميدان خلهم يگحمونه
لوسل المذهّب يعرفونه
أمس شافوا اشسوه ابّدر واحنين
يعرفونه علي البالحرب لو ثار
ما تثبت كتيبه اوتروح طشار
لاچنهم دروا ما يحرب ابدار
خايف ترتعب ذيچ الخواتين
عملوا بيه عمله عملة اجلاف
مثل حيدر تچتفه الگوم باچتاف
يا سلمان ذخري اشلون ينعاف
علي الگادوه يحگلي ارفع الچفين
ردّ سلمان يتلهّف عليها
وهي اعلى الباب تنظر وليها
لفاها اوشافته اوصفگت بديها
گصدوا للنّبي المختار شاچين
اترك تعليق