من لفت سكنه اونخت عمها
اوگالتله يلمچثر صدمها
روحي العطش زيّد ولمها
اظمه ابوجودك ياشهمها
اوچفك سحابه ايهل وسمها
لمن سمع مدلولة امها
تچنه ابوجها اونزل يمها
اوگام ايحلف بيها اوبسمها
لخلي الشريعه ايسيل دمها
والماي روحچ لايهمها
اجيبنه ابهمتي اوعزمها
ردّي اوتانيني ابخيمها
لاح ابظهر غوجه اوردمها
اوعين طليعتها اوجسمها
چالليث وتوسط بهمها
كلسا يطشرها اويلمها
من عگب ماكثر خذمها
للمشرعه اتعنه اولزمها
اوحوّل ابشاطيها اوحكمها
ترس جربته اوعالمتن زمها
اوذيچ الجبايل ماحشمها
تعادل على احصانها اوگحمها
من شافته اتناخت حزمها
اوصوبين بي دارت زلمها
گطعت يمينه البي حتمها
اوثنت ابيسراه العدمها
وبعينه اتعادل سهمها
والعمود للهامه هشمها
اوخر عالارض خرّت نجمها اوسكنه المگدر ما علمها
اترك تعليق