يگله ياعلي وين العقيله
مهجة حيدر اوروحه اودليلها
اظنها امن الهظم صارت ذليله
او عليها عگب اخوها اتراكم الهم
اجت زينب لخوها اتطيح وتگوم
من هظم العليها وجر الهموم
بچت من شافته اوصاحت يجيدوم
ليش الكربلا ماجيت مهتم
يخويه اشعوگك ماجيت لينه
اوتشوف الگوم من دارت علينه
اخذ منكم يزيد النغل دينه
اومنكم فيض الوديان بالدم
انه اختك يخويه الگبل ماچان
يخطر بالوهم شخصي اوبلذهان
يسيره امشي اوكل يوم اطب ديوان
اويزيد ابمجلسه اوياي يتكلم
شسولفك بعد يمحمد اشصار
اخاف اعليك من تسمع هلخبار
يبو جاسم ابستر الوجه نحتار
علينه الناس من تجبل اوتلتم
اترك تعليق