سكنه يعمه خل نجعده
اومابيني اوبينج نسنده
بلچن يفك عينه اوننشده
يا جرح ماذيه اومضهده
خاطر نداويه اونشده
اونخبره علينه اشصار واسده
تگلها يعمه شلون اجعده
اوسهم الذي واگع ابچبده
اثاري الخرز ظهره تعده
لاچن اوهوّه اعلى هالمده
نگله الحرم صارت ابشده
والخيل لكدت فرد لكده
اوكلها السلبنه مستعده
انچان لنه عدل بعده
بس يسمع اتحرچه الموده
ويگوم لينه اويحمي حده
وانچان ميت وحق جده
شوفي اشنلاگي عگب فگده
گامت تندها اوتشچي عنده
ولن الشمر سيفه امجرده
دفعها اوگضه اويه حسين گصده
اوردت يويلي اشلون رده
اترك تعليق