يبن والدي امحمّد يظنوه
يمهيوب بيك العزم يگوه
آنه أنخاك ما تسمع النخوه
ردتك لعند الگوم لگوه
والمعاضده للحرب حلوه
بالموت دون احسين تهوه
آنه خاليه جين امن الأُخوه
عفتهم يخويه ابدار شلوه
دهر من عزاهم ما ظن أروه
مثل بلوتي لا تظن بلوه
تفلّ الصخر لو چان مروه
يزيد راس احسين من جاه
اوخواتك سبايه طبّن اوياه
بطبول يمحمّد تلگّاه
لا تظن هظم الشام ننساه
عند المشايخ عيد شفناه
او شباب اليغنّي أطوار بغناه
اوطبل النسه يضرب امباداه
جمع جمع منها انتعدّاه
والظعن راضه صار ممشاه
هذا اوبعد بالأعظم اهناه
يمحمّد المجلس وصلناه
مجلس يزيد اتوسّطيناه
يبو جاسم اومنّي الفكر تاه
وحسين راسه تحت يمناه
احّاه يمحمّد اويلاه
اوراس البطل عبّاس ولواه
يترنّم اويهتف اِبسلفاه
ثار الوليد ايگول أخذناه
واحد ابعشره استفصليناه
وآمر عله النسوان تدناه
بيه صحت يمحمّد اهناه
تعال الخواتك راحن اذياه
وگفنه ابمچان الما وگفناه
وگفنه اوشتم حيدر سمعناه
يديد اوحصل بيده التمنّاه
والمر يبو جاسم شربناه
حتّه الشمت گلبه كسرناه
اترك تعليق