ام الولد يرجف بدنها
والنوم ما مر ابجفنها
حسّبت لن تامر وتنها
وتفرح الحره ابعرس ابنها
ليالي الدهر وليه ولنها
بسهام فگده صوّبنها
بس هالشباب وراح منها
تون ويفسر الصخر ونها
اويلاه عگب الولد لنها
ويّه الغرب غرّب ضعنها
يبني إلكبر سنّي ذخرتك
ولمنازعي بالموت ردتك
وانته التغسّلني حسبتك
يجاسم عسى لاچان شفتك
مخضّبه بدمّك وجنتك
حسبتك عدل وافرح بزفتك
وهل هل يجاسم يوم حنتك
حضرتك عساني لا حضرتك
شفت يابسه من العطش شفتك
واعرفت العطش ذوّب مهجتك
يبني يجسّام اعلى بختك
ليش اگطعت بمّك وبختك
اترك تعليق