أخذ طفله اوطلع من المخيم
او گام اويه العده احسين ايتكلم
شال احسين طفله او صاح ياگوم
فنيتوا اهلي اوچسبتوا العار واللوم
ماظل غير هذا الطفل هاليوم
اومن شان الخلگ للطفل ترحم
من حر العطش يبست ارياگه
رضيع او لا اله اعلى الصبر طاگه
روحه افغرت وانوت اعلى افراگه
اوچبده امن العطش ذاب اوتولم
انچان الكم طلب عندي اوتريدوا
دگلولي الطفل هذا اشتطلبوا
مني اخذوا ليكم وانتو اسگوه
گبل ما يلحگ اعليه المحتم
طلعله حرمله اوعاين الجيده
رماه اوطاحت النبله ابوريده
اشحال احسين من عاين اوليده
شبگ سدره او لعند الموت سلهم
سدر للخيم وادموعه يهلها
تعالي اخذي الطفل لمه يگلها
طلعت صارخه اوشافت طفلها
املولح رگبته او مخضوب بالدم
غدت تخمش ابخدها اعليه واتنوح
يعبد الله يبعد العگل والروح
ما ظنيت يبني اتعود مذبوح
او يفطمك حرمله ابسهم المحتم
يعبد الله الذنب شنهو العملته
رضيع اوحرمله اتفطمك نبلته
ردتك عگب ابوك اترد وحشته
او تسليني علي من يكثر الهم
اترك تعليق