عگب الشام ريت الشام يعدم
نووا عالسفر ولحادي تجدم
طلع زين العباد او فارگ الشام
اودليل الظعن يحدي النوگ جدام
اشحال الحرم من ردوا والايتام
امتون امسوده وزنود ورّم
صاحت زينب اوعبراتها اتسيل
يعمه اويه الدليل احچي يلعليل
خله الكربلا بظعونه ايميل
اريد انصب على الوليان ماتم
يعمه امن النوايب باد حيلي
او من ذل اليسر وارم دليلي
اريد اگصد لبو فاضل چفيلي
واسولفله عليّه اشصار واسگم
سالت دمعته اوناده يجمال
سانف عالطفوف اظعن العيال
عمتي اتريد تشچي العمي الحال
مهو اللي جابها اوبيها توزم
اترك تعليق