يگلبي امن الحزن ذوب اوتولم
على اللي ذاب چبده اوخلص بالسم
وسفه اعلى ابو محمد منهل الجود
گضه نحبه اومنه الچبد ممرود
اشحال احسين لمن عاين العود
يجلب بيه چبده اللي تخذم
يگله ياعضيدي يبو محمد
چبدك من نحيع السم تمرد
يخويه ليوم طاغي الشام عيّد
اوعلى گلبي يخويه اتراكم الهم
يبو محمد نحل جسمي اعلى فرگاك
اشيصبرني يخويه اخلاف عيناك
عسانه انروح كل احنه فداياك
بس انته يبحر الجود تسلم
عگب ذيج الهظيمه اوذيج الهموم
تاليها اظعنت والچبد مسموم
عيد اصبح لهالي الشام هليوم
يخويه اوعالهواشم اصبح اظلم
الف وسفه يروح النبي اوچبده
يبو محمد امن ايدي اتروح برده
يخويه اصبحت من بعدك ابشده
اوعلي جيش النوايب گام يلتم
اترك تعليق